POSTAL BALLOT IN JEOPARDY  Bottom

Go to page 1 - 2 - 3 - 4 - 5 - 6 [+1]:

  • To all comrades (fellow Marshallese) currently living abroad most especially the United States, be advised that a Nitijela bill is being introduced in the ongoing Nitijela session of 2012 which aims to prevent eligable voters currently living outside the Marshall Islands from exercising their rights to vote in the RMI general election. In effect, you all living everywhere in the US will no longer be able to choose the representative from your atoll to the Nitijela of the Marshall Islands. The question for you is "why?". What trigger the mind of the person who introduced the bill? What is the reason behind the bill? Is it money and cost or political motive?
  • Yokwe Barefoot,

    Kwon mok jouij im baj tibdiki tok ilo kajin majol mok. Im kab won ne ak rane rar introduced i bill ne?...mokta jen ad baj kwalok ijoko jeba. Im bill ne emaron ke man-lok jimwe im maron ne amwoj ilikin majol non vote im emoj an lolo ilo jemene ne ad?

    Kommol tata ilo wot kauitej!
  • Nan ro motta ro rej jokwe ilikin, elaptata amerka, jouij im melele bwe ewor juon bill emoj lemantak ilo Session in an Nitijela kio ilo 2012, eo kotobar eo an ej nan bobrae im kabijrak an ro rej maron vote im rej kio jokwe ilikn majol, jen aer maron in kojerbal jimwe im maron eo aer nan kelet (vote) ilo ien ekelel ko an RMI. Ilo mol, aolep ro rej jokwe ijoko jabdrewot ibelakin amerka rejamin naj bar maron in kelet rikwelok eo jen ailin eo am lok nan Nitijela eo an ailin kein. Kajitok eo nan kwe in "etoke?" Ta eo ekomakit kolmenlokijen eo an armij eo ear lemantak bill in? Ta kin money im jonan money ko kojerbali nan ekelele ke ak un ko rejelet politic?

    Ikijen kajitok eo kin won ear introduce i bill in, ekwe ilo tore in jej etale wot im lale tok nan kej. Emaron ke? Ekwe alikar ke emaron bwe kio emoj lemantak nan floor ne an Nitijela. Iar ronjake iben juon eo ewor an kabeel ilo jerbal in kakien be ejelok an ro rej jokwe ijokane ilo amerka kane maron in bok konaer ilo ekelel ko an RMI. Ekwe jej reimanlok nan adwoj likliki bill in ilo adwoj arto artake im lale. Ak ta adwoj lomnak elane emol ke ewor juon bill iman Nitijela eo? Kab ewor ke tokjen nan kej bwe jen vote? En ta ro rej jokwe ilikin majol rej vote ke ilo lukun mol eo rejako i majol im men ko rej walok i majol rejab enjaki?
  • Kommol tata Barefoot kin melele im iuwak kein am elap aer kobellok kelmen-lok ijen kein ad...elap ao kauitej im respect i melele im iuwak kein am. Elane mol ke ejelok amwoj ro ilikin majol jimwe im maron non vote ak bok kunam ilo ien ekelel ko an majol rellap ekkar non kakien im ejelok ilo jemene ne ad. Ekwe, emman ejelok ao inebata ilo men in bwe mol kimij jab bed imajol ne im kim jaje kin ta ko rej walok non armij ro jen ien non ien. Ijowot ke, eor juon im men ao kajitok: ETKE ARMIJ REIN ILIKIN MAJOL REKAR MARON IN VOTE JEN JINOUIN?...IM ETKE KIO REJ ITEN JOLOK KIM? Jouij im jab meloklok in letok ak kwalok etan armij eo ak ro rar jake man-lok bill in.

    Kim ijokein ilikin majol, kim oktak ke jen ro riailin ko ilik im rej jokwe iion Majuro, Ebeye ak ijoko jet im rejjab enjake entan ko an ro rej bed im mour ilo ailin ko ilik? Etke rej vote ke rejjab bed iion ene ko eneir? Etke rejjab komane juon bill eo ej kemelet im kwalok ke jabrewot eo ej jako im jab bed ilo jikin vote eo an ilo ien ekelel en?...ejjab maron vote. Example: Ne kwe riMajuro im kojako jen jikin vote eo am inem kojjab maron vote jokdron ia kwoj bed ie...Ebeye, ak ailin ko jet ak ijoko jet ilikin majol. Einwot ij ba enaj fare lok jidrik.
  • Lajima e, lale kwar kijer in naruorro ilo menin bwe itollok ilbok im jemarujruj eke men jab in. Ekkar nan ao melele, ro rej jokwe ion majuro im ebeye im jab outer Island ko kajojo rej maron in wot vote bwe rej jokwe i majol. Ro rej mour im jokwe ILIKIN MAJOL rej oktak jen ro rej jokwe ilo majuro im ebeye. Ikkijen kajitok eo kin kar ami kar maron vote moktalok, ekwe ekkar na bar melele, rej ba bwe aolep men rej oktalok einwot an ran kein oktak, nan wot emmanlok eo an election ko an RMI. In mok kajitok, bwe ne kejro jab vote ilo ien ekelel, ewor ta kejro naj luji? Ejelok kejro jamin luji bwidrej ko arro i Ujae ak i Namdrik, ejet? Ekwe jero ej kottar tok wot uaak in won ian rikwelok rein ear introduce i bill in im won ear sign i im erra ie. Jenaj bojak wot in ronjake debate ko an Nitijela ikijen bill in im lale won em won ie, im ta ko rej ba kake bill in.
  • Ekwe aet kwoj mol...jerro ban luji bwirej ko arro kab ejelok am bwid ilo men in im ejelok ruom. Ak emman kommol tata kin am letok melele kein rekailbokbok wot im jej kottar wot mok in lale ta alikar in men otemjij...elap-tata lale won eo ear jake manlok bill in. Kommol tata!
  • QuoteThe question for you is "why?".


    It is because they have no forcible influence on persons outside of the RMI. Iroiij cannot punish you or force you to vote for him/her if you are living abroad.
  • Eokwe kio jej melele bwe bill in nan bobrae ami woj vote tok jen jokane ilkin majol e ar komman im introduce jen ibe senator eo en ebon atoll, senator John M. Silk. Enone ennan eo ear alikar tok kio im jej kejatdridrik bwe enaj juon bill eo enaj kaitoktok limo. Jeraman waj waj nan kom aolep ro rej joke im mour ilo US rainin.
  • Ekwe kolukun emmol bar juon alen Barefoot bwe kio jelukun melele im jela ke senator John M. Silk eo ear jake man lok bill in non babrae amwoj ilikin majol vote. Ekar baj alikar wot ilo tore ko ej Minister non Foreign Affairs bwe ear walok an jab erra iben armij ro nukid, mottad im jerad ilo Hawaii kin an kar jab monono in jiban er ikijen kar problem eo nae insurance in takto eo ijen. Elane ejimwe ao kememij lok im jimwe ear kwalok melele in ke kij jej ruwamejet ijokein jikin rebelle rein im jen jab kanouij abnono kin men kein. Kajitok mok kio Party ne KEA ej ke support e BILL ne an John? Tomak im kejatdikdik bwe AKA rane renaj kune im baiti mejen bill ne.
  • Eokwe, ikijen KEA enaj alikar ilo debate kane an bill ne. Eman bwe komij maron ronjake Nitijela live ijokane ilik. Ij tomak bwe aolep ro nuku im motta jen Ebon, elaptata ro rej jukjuk im amnak ilikin majol in renaj tune in im ronjake rikwelok ne adrean kin lukun ta jibadbad im kotobar ko an ikijen bill in an. Etoke ejjab konan bwe ri ebon ro mottamro ren kwalok ainikier ilo ien ekelel ko an RMI. Aet, kwoj mol Lajima ke kar Minister Silk eo aer jab lukun konan bwe jen kar konono nae plan eo an hawaii nan kadriklok ak julok jet ian benefit ko an ro mottad im rej bed im takto ilo hawaii kan. Ewor ke riebon menin ear jelete? Aet elap an lon im kio rej bar jeraman im takto kin program kein rikwelok in aer ear driki ak jab konan. Mekarta, Minister Silk emoj bar kojeblaaktok nan Nitijela bwe en bar lale ta emaron komane nan wot kalikjab kej rimajol jen menin jeraman kein riamerika rej muri kaki nan kej. Kio emakit eo an kein karuo ej elikar ilo an jakemantak bill in enaj jelet aolep ro rej rivote ak rej jokwe ilikin majol. Naj ta emakit eo kein kajlu? Kabijrak an ro remaron, jibadrek jea ko ilo Nitijela eo ke? Im naaj ta emakit eo kein kemen? Kabijrak an ro rej jokwe ilikin majol jump tok im lo tok ailin ko im lemoren ko aer ke? Come on Mr. Minister, kwon lukun lale lukun ia ne kwoj jobar im itok jene mokta jen am koman emakit rot kein. Brother Heran Bellu be on the standby.
  • Kio ke elukun alikar ke LaJohn ne ear leman lok bill ne. kio ij lukun kwalok mol non aolep riMajol elaptata riEbon ro ke na eor eor ao landright Ebon im ij kwalok ke inaj ukot jikin vote e ao bwe in kajion jolok LaJohn. Inaj jino karelel jen rainin im wonmanlok kin Mr. Heran Bellu bwe en jijet ilo etan riEbon bwe LaJohn ejjab lomnak kake kij. Elap an kar alikar ilo an jab kea im kauitej riEbon ro iion hawaii. Ebon bojak im kelet Mr. Heran Bellu ilo ekelel in lal bwe en rikwelok eo ne bwe ej kea kin kij.
  • Eman Lajima lomnak ne am. Ij 100% erra ibam kin Heran Bellu. Melelen kejro ej aikj lukun komman new register manlok ko im jab kottar. Kejro ej aikuj komani new register rein ilo majol im jab lomnake US im ijoko jet bwe kio ne enaj ella bill ne an John, inem riebon ro mottaro ilo amerka rejamin maron in vote. Ale enana wot in jerbal looma.
  • Silk ekadoke an jab MINISTER...
  • 100 % ne ear minister wot jenaj kar luji aolepen maron kane ad iloan compact ne ikotad im US. Enana wot ne ritel ke jej lomnak emeletlet im enaj kar jiban kij ak ejab wot ke kakure kij...elap tata armij rane rar kelete e. Kwoj aikuij kakije bwe bolen komok im kojjab kea bwe ebol am dollars.
  • Yokwe nan komiro la-jintob im lajima, ejeja ao talk too much iloan forum in ako kio emoj amrio lukkin komman menin ao bululul; ejjab ibbemiro ak ibben le-ne La-John. Ekwe ijaje jonan an lon nukimro ion Ebon en ak NA elab an lon nuku voter in Ebon. Heran ej bareinwot nuku. Inaj konanoklok ro nuku kin wewin in senator ne an Ebon ej komane.

    Ij tomak ke komiro jela ke aolep ri-majol ion Springdale en im rej jerbal ekwe rej kolla TAX nan federal. Tax ne ej jerbal nan jiban waj RMI. Ijjab lukkun jela jete % in tax ne rej boke jen kajojo ri-jerbal in Majol ion Springdale AR, ako inaj kajjeon in lale, ij tomak eor jet iad ro jen Springdale remaron letok jete % in tax ne. Meneo ij kajjeon in ba in ke, La_John ej mottan ro im rar fight kin wewin in bwe en ella. Kio ta amiwoj lomnak ke jejamin naj bar vote elane enaj ella bebe in, ri-springdale rej kolla tax ako rejamin vote??? Kar ta an lene lomnak. Lukkin mool ke etan lene ej aikuj oktak jen La-John NAN Mojanir/lattil Bako/Kolej/BaruWaan/Betaak-tak/MejenKwaad. Ne aer mour wot lomaro (Lobollab, Lakajaj, Indrelel) nan rainin - In kar ba ne er bwe ren umini lene kin dreke lal. Jolok ao bod Aenet bwe emaron jab ekkar nan kein ao- ako ij kwalok ijo emwilal jen buruo.

Go to page 1 - 2 - 3 - 4 - 5 - 6 [+1]:

  • 0 users
  • and 109 anonymous guests

This list is based on users active over the last 60 minutes.

Majuro: 2013 Pacifc Forum Opening Programs